Состанок на групата на паркингот спроти Хотел Holiday Inn во 19.00 часот. Тргнување за Виена во 19.30. Се патува преку граничен премин Табановце и Србија, Унгарија. Ноќно патување со попатни паузи за одмор и царински формалности.

Пристигнување во Виена во претпладневните часови. Сместување во хотел. Разглед на градот: Рингштрасе, Катедралата Св. Стефан, Палатата Хофбург, Дворецот Белведере, Операта, Гратското Собрание Ратхаус, Катедралата Фотиф, Парламентот, Универзитетот... Слободна вечер за индивидуални прошетки. Идеална можност да се проба "Wienerschnitzel" во некој ресторан. Ноќевање.

Појадок. Факултативна посета на Кралскиот Дворец Шенбрун, летната резиденција на Франц Џозеф. Посетене од милиони туристи годишно, палатата заедно со паркот е најголемата туристичка атракција во Виена, под заштита на УНЕСКО. Слободнo време за прошетка по познатата улица Mariahilferstrasse. Mожност за посета на познатиот забавен парк "Пратер" во вечерните часови. Ноќевање.

Појадок. Можност да се почувствува атмосферата на виенските кафулиња, со "melange" и захер торта. Тргнување за Братислава во попладневните часови. Панорамски разглед на градот, мостовите на Дунав, средновековниот главен плоштад, готската катедралата Св. Мартин, старата градска куќа, Словачката Национална Галерија, Словачкиот Национален Музеј... Во вечерните часови, патувањето продожува кон Скопје. Ноќно возење со попатни паузи за одмор.

Пристигнување во Скопје во претпладневните часови.