Состанок на групата на паркингот спроти хотел Holiday Inn во 18.00 часот. Тргнување за Будимпешта во 18.30 часот. Се патува преку Србија. Ноќно возење со попатни паузи за одмор и царински формалности.

Пристигнување во Будимпешта во предпладневните часови. Панорамски разглед на градот со стручен локален водич: споменикот на Милениумот, Операта, улиците Ваци, Андраши, Ракоци, Парламентот, црквата Св. Стефан, мостовите на Дунав, Будим, Цитаделата, Кралската Палата, црквата Св. Матејас, Рибарската тврдина. Сместување во хотел. Вечерта, факултативно, крстарење со брод по Дунав. Ноќевање.

Појадок. По појадокот посета на живописното гратче Сент Андреа, во близината на Будимпешта, во кое се негува старата архитектура и народни ракотворби, богато со голем број винотеки, рибни ресторани, музеи, галерии и цркви. Слободно време за индивидуални активности или шопинг во некој од големите трговски центри на Будимпешта. Вечерта, факултативно, вечера во национален ресторан - Чарда. Ноќевање.

Појадок. Тргнување за гратчето Хевиц, оддалечено околу 130 км од Будимпешта, кое се наоѓа на термалното и лековито езеро Хевиц. Сместување во хотел. Слободно време за индивидуални активности или капење во топлите, лековити води на езерото, кое е единствено во Европа. Вечера. Ноќевање.

Појадок. Посета на барокниот дворец Фостетич во Kesztheley. Посета на пештерата во Таполца, која има природно езеро во пештерата - пловење со чамци. Разгледот продолжува до полуостровот Тихањ, каде има манастир од каде се шири неверојатно убава панорама на езерото Балатон. Тргнување за Скопје во попладневните часови. Ноќно возење со попатни паузи за одмор и царински формалности. Пристигување во Скопје во предпладневните часови следниот ден.